Primièrs passes
Creacion de formularis simpla e rapida
Creatz vòstres formularis per simple lisatz-depausatz. Los nombroses camps disponibles cobrisson totes vòstres besonhs.
Limitacions
Framaforms compòrta un certan nombre de limitacions :
- un formulari a una durada de vida de 6 meses (par defaut)
- 5,000 responsas maximum son autorizadas
- un compte pòt sonque aver 200 formularis
Aqueste servici es prepausat sota resèrva d’acceptacion de nòstras condicions generalas d’utilizacion, e pòt èsser moderat segon nòstra carta de moderacion.
Framaforms, un servici demest mantun
Framaforms, una aisina emancipadoira
L’economia de vòstra atencion
Lo Framaforms es a gratuit, sens cap de reclama o tracanard. Nòstra objectiu es d’albergar una aisina que vos servís e que se servís pas de vos.
Contràriament a l’adagi, aicí, sètz pas lo produit.
Lo contraròtle de vòstras donadas
Framasoft reculhís lo mens de donadas possible.
Avètz lo contraròtle total sus aquelas.
Avèm pas cap d’interès a pistar vòstre compòrtament nimai l’esplechar.
Lo respècte de vòstras libertats
Framaforms es basat sus un logicial liure¹. Son còdi es transparent, publicament consultable e conten pas cap de foncionalitat amagadas.
Es construch de manièra comunautària e cadun es liure de lo reprendre per menar lo projècte endacòm mai.
¹ Yakforms – Licéncia GNU GPL v2
Framaforms es una installacion del logicial liure Yakforms suls
servidors de Framasoft.
Sa licéncia liura vos permet d’estudiar son còdi e d’i contribuir
e tanben de l’installar sul vòstre pròpri servidor.
Perqué prepausar Framaforms ?
Favorizar l’educacion populara
Utilizar Framaforms, es far un primièr pas sul camin de vòstra autonomia numerica.
Fisar sas donadas a un albergador implica d’aver rasons de se fisar a el. Framasoft s’engaja sus de condicions claras¹ per albergar de servicis dins lo respècte de vòstra integritat.
¹ veire nòstras Condicions Generalas d’Utilizacion e nòstra carta
Crear un ecosistèma resilient
Framasoft es un actor demest d’autres que prepausa de servicis en linha albergat amb una etica fòrta amb l’objectiu de decentralizacion.
Per far un pas de mai dins la vòstra emancipacion numerica, retrobatz lo meteis servici albergat prèp de çò vòstre per un sòci del collectiu : les CHATONS !
Contribuir als bens comuns numerics
Darrièra un servici coma Framaforms i a una proposicion politica : explorar una alternativa al capitalisme de susvelhança en experimentant la societat de contribucion.
En ofrissent d’usatges, de retorns e de contribucions a Yakforms, participam a entreténer la vivacitat d’una ressorsa mesa en comun.
Qual es darrièra Framaforms ?
Framaforms es prepausat per una associacion francesa amb tòca pas de lucre : Framasoft
Creada en 2004, l’associacion se consacra ara a l’educacion populara als enjòcs del numeric e dels bens comuns culturals. Nòstra petita estructura (35 membres dont 10 salariats) es coneguda pel projècte Dégooglisons Internet (26 aisinas en linha eticas e alternativas) e per lo desvelopament dels logicials PeerTube, Mobilizon, etc. Reconeguda d’interès general, Framasoft es finançada a 94 % per vòstres dons, deductibles dels impòstes pels les contribuables franceses.
Sosténer Framasoft
Perque liure significa pas gratuit…
L’associacion Framasoft viu pas que de vòstres dons.
Çò qu’avèm fach vos a agradat ? Pensatz qu’anam dins la bona direccion ? Alara, se n’avètz l’enveja e los mejans, vos convidam a far un don.
Questions
- Se pòdon arrestar los dons recurrents a tot moment sus simpla demanda.
- Se volètz modificar vòstre don recurrent, contactatz-nos, arrestarem los prelevaments e poiretz tornar far un don.
- Los recebuts fiscals (sonque en França) son mandats per corrièl en març/abril de 2026 (abans la declaracion d'impòstes) pels dons versats en 2025
- Los rapòrts d’activitat e financièr de l’associacion se pòdon consultar dempuèi nòstra pagina de presentacion de l’associacion
- S’avètz d’autras questions, las responsas se tròban benlèu aicí…
Illustracion : David Revoy (Creative Commons By 4.0)